काठमाडौं - त्रिभुवन अन्तर्राष्ट्रिय विमानस्थलको एयर फिल्ड लाइटिङ सिस्टममा समस्या आएपछि सबै विमानको उडान र अवतरण रोकिएको छ । 

त्रिभुवन अन्तर्राष्ट्रिय विमानस्थलस्थित विमान उडान र अवतरणको अवस्थामा देखाइने सूचक एयर फिल्ड लाइटिङ सिस्टममा शनिबार (कात्तिक २२) बेलुका करिब साढे ५ बजेदेखि समस्या आएको छ ।

उक्त लाइटिङ सिस्टमको समस्याबारे जाँच भइरहेको छ । समस्या समाधान भएपछि उडान र अवतरण पुनः सञ्चालन गरिने तयारी भएको छ ।  सिस्टममा समस्या आएपछि अहिले अन्तर्राष्ट्रिय विमानस्थलबाट हुने सबै खालका उडान र अवतरण पूर्ण रूपमा बन्द भएको छ । बन्द हुँदा अवतरणको तयारीमा रहेका जहाजले फन्को मारिरहेका छन् । यो समस्या साढे ५ बजेदेखि भएको हो ।