अमादब्लम हिमाल आरोहण क्रममा दुई विदेशी नागरिकको मृत्यु
काठमाडौं - अमादब्लम हिमाल आरोहण क्रममा दुई विदेशी आरोहीको मृत्यु भएको छ । पर्यटन विभागका अनुसार हिमालयन भिजन ट्रेक एन्ड एक्सपिडिसन प्रालिमार्फत गएका फ्रान्सेली नागरिक हुगो लुसियो लाजारोको मृत्यु भएको छ । ६ कात्तिकमा अमादब्लम सफल आरोहण गरी फर्कने क्रममा उनको स्वास्थ्यमा समस्या आएको थियो । हेलिकप्टरबाट उद्धार गरी काठमाडौंको ह्याम्स अस्पताल ल्याइएको उनको उपचार क्रममा ७ कात्तिकमा मृत्यु भएको विभागले जनाएको छ ।
यसैगरी ८ के एक्सपिडिसन मार्फत गएका कोरियाली नागरिक होङखाई पार्कको आइतबार मृत्यु भएको छ । उनको अमादब्लम आरोहण गर्ने क्रममा क्याम्प १ र क्याम्प २ को बिचमा मृत्यु भएको हो ।
दुवै विदेशी आरोहीको मृत शरीर सम्बन्धित मुलुकमा फिर्ता लैजाने प्रयोजनका लागि समन्वय र सहजीकरण भइरहेको विभागले जनाएको छ ।
प्रकाशित मिति: आइतबार, कात्तिक ९, २०८२ २०:३१
प्रतिक्रिया दिनुहोस्
साताको लोकप्रिय
-1760953024.jpg)
