काठमाडौं - नेपाली काङ्ग्रेसको भातृसंगठन नेपाल तरुण दलको ७३ औँ स्थापना दिवस २०८२ कार्तिक १० गते मनाइने भएको छ ।

आज तरुण दलको अध्यक्ष विद्वान गुरुङले उपत्यकाको तिन जिल्ला बाहेक बाकी सबै जिल्लाले जिल्लामै तरुण दलको ७३औँ स्थापना दिवसमा शुभकामना आदान प्रदान एवं चियापान कार्यक्रम गरि मनाउन परिपत्र गरेका छन् । 

उपत्यकाको तीन जिल्ला कार्यसमितिले तरुण दल केन्द्रीय समितिको आयोजनामा नेपाली काङ्ग्रेस पार्टी कार्यालय सानेपामा गर्ने कार्यक्रममा सहभागी हुने अध्यक्ष गुरुङले बताए । 

तरुण दलले यसपाली केन्द्र र जिल्ला भरी फरक शैली अपनाएर आफ्नो स्थापना दिवस मनाउँदैछ । कार्यक्रमलाई केन्द्रीय अध्यक्षले स्वागत सम्बोधन गरे पनि  कार्यक्रममा फूल मालाले स्वागत एवं लामो तरिकाको भाषण नहुने अध्यक्ष गुरुङले बताए ।

कार्यक्रममा पार्टी कार्यवाहक सभापति पुर्ण बहादुर खड्का, पदाधिकारी एवं केन्द्रीय सदस्य लगायत संघीय सांसद  एवं राष्ट्रिय सभा सदस्य, प्रदेश कार्यसमिती , पार्टी प्रदेश, गाउँ/नगर  पालिका प्रमुख, उपप्रमुख, निर्वाचित जनप्रतिनिधी, दलको केन्द्रीय सदस्यहरुको उपस्थिति रहने दलको मुख्य सचिव ठान प्रसाद पोखरेलले जानकारी दिए ।

अन्य राजनितिक दलको भातृ संगठनको प्रमुखहरुलाई केन्द्रीय कार्यालयमा हुने कार्यक्रममा निमन्त्रणा गरिने र जिल्लाले पनि त्यही अनुसार गर्ने कुरा मुख्य सचिब ठान प्रसाद पोखरेलले बताएका छन ।