सिन्धुपाल्चोकमा मोटरसाइकल दुर्घटनामा हुँदा अष्ट्रेलियाली नागरिकको मृत्यु
सिन्धुपाल्चोक - भोटेकोशी गाउँपालिका-४ चार किलोमा मोटरसाइकल दुर्घटना हुँदा एक अष्ट्रेलियाली नागरिकको मृत्यु भएको छ ।
जिल्ला प्रहरी कार्यालय सिन्धुपाल्चोकका सूचना अधिकारी एवं प्रहरी नायब उपरीक्षक माधवराज खरेलका अनुसार आज बा ८९ प ९७३५ नम्बरको मोटरसाइकल अनियन्त्रित भई सडकबाट करिब १० मिटर तल खस्दा अष्ट्रेलियाली नागरिक ७१ वर्षीय पेटर ज्याक्सन र ६८ वर्षीया जनेट ज्याक्सन घाइते भएका थिए ।
दुवै जनालाई स्थानीयस्तरमा उद्धार गरी धुलिखेल अस्पतालको शाखा हिन्दी अस्पतालमा प्रारम्भिक उपचार गरिएपछि थप उपचारका लागि हेलिकोप्टरमार्फत नर्भिक अस्पताल, काठमाडौँ पठाइएको थियो ।
जनेटको उपचारका क्रममा आज दिउँसो मृत्यु भएको अस्पतालले जनाएको प्रहरी नायब उपरीक्षक खरेलले बताए । उनका अनुसार मोटरसाइकल चालक पेटर भने हाल नर्भिक अस्पतालको आइसियुमा उपचाररत छन् ।
प्रकाशित मिति: शनिबार, असोज ११, २०८२ २१:५९
प्रतिक्रिया दिनुहोस्
-1758282187.jpg)
साताको लोकप्रिय
