काठमाडौं - नवनियुक्त उर्जामन्त्री कुलमान घिसिङले डेडिकेटेड ट्रंकलाइनको वक्यौता रकम असुल्ने निर्णय गरेका छन् । 

सोमबार सिहंदरबास्थित मन्त्रालयमा पदभार ग्रहण गर्दै उनले डेडिकेटेड ट्रंकलाइनको वक्यौता रकम असुल्ने पहिलो निर्णय गरेको जानकारी दिए । 

उनले भने, ‘आजको यस पदबहालीको पहिलो निर्णय चाहिँ डेडिकेटेड र ट्रंकलाइनको विद्युत महशुलको जुन वक्यौता छ, त्यो बक्यौता रकम असुल्ने निर्णय भएको छ ।’

प्राधिकरणको कार्यकारी निर्देशक हुँदा उनले वक्यौता असुल्ने प्रयास गरेपनि तत्कालीन सरकारले यसमा रोक लगाएको थियो । 

त्यस्तै उनले अब कसैले र कुनैपनि निकायले भ्रष्टाचार र अनियमितता गरेको कतै पनि भेटियो भने कडा भन्दा कडा कारबाही गर्ने चेतावनी समेत दिए । भ्रष्टाचार नियन्त्रणको विषयलाई आफूले जीवन मरणको विषयको रुपमा लिएको पनि उनको भनाई छ । 

‘अब कसैले र कुनैपनि निकायले भ्रष्टाचार र अनियमितता गरेको कतै पनि गरेको भेटियो भने हामी कडा भन्दा कडा कारबाही गर्ने छौं । आन्दोलनको प्रमुख विषय पनि भ्रष्टाचार नियन्त्रण थियो । यो विषयलाई जीवन मरणको विषयको रुपमा लिएको छु । यो ठूलो चुनौती लिएर म आएको छु ।’