काठमाडौं - सुनको मूल्यमा नयाँ कीर्तिमान कायम भएको छ । बिहीबारको तुलनामा आज सुनचाँदीको मूल्य तोलामा एक हजार २०० ले वृद्धि भएको छ ।

नेपाल सुनचाँदी व्यवसायी महासंघका अनुसार आज सुन तोलाको दुई लाख ६०० निर्धारण भएको छ । हिजो बिहीबार सुन तोलाको एक लाख ९९ हजार ४०० मा किनबेच भएको थियो । 

यता चाँदीको भाउ पनि बढेको छ । चाँदी आज तोलामा पाँच रुपैयाँले बढेको छ । चाँदी आज प्रतितोला दुई हजार ३६० मा खरिदबिक्री भइरहेको छ । बिहीबार चाँदी दुई हजार ३५५ मा कारोबार भएको थियो ।