मुगु - जिल्लाको सोरु गाउँपालिका–७ तारा पानीमा आयोजित मातृ–शिशु स्वास्थ्यसम्बन्धी जनचेतनामूलक देउडा गीत प्रतियोगिता आयोजना गरिएको छ । पछिल्लो समयमा बालविवाह कायमै हुनुका साथै सामान्य बिरामी हुँदा धामी झाँक्री र झारफुक गर्दा अकालमा मान्छेहरूको ज्यान जाने भएकाले सचेतनाका लागि प्रतियोगिता आयोजना गरिएको हो ।
मातृ शिशुको स्वास्थ्य सुधारको लागि कस्ता खानेकुरा खाने, स्वास्थ्य संस्थामा उपचार कसरी लिने, व्यक्तिगत तथा सामूहिक, सामुदायिक स्वास्थ्य सरसफाइ कसरी गर्ने जस्ता सन्देशमार्फत सांस्कृतिक देउडा प्रतियोगिता आयोजना गरिएको हो ।
गुड नेवर्स इन्टरनेशनल नेपालको आर्थिक सहयोग र किडार्क नेपालको आयोजनामा सम्पन्न प्रतियोगितामा सात वटा स्वास्थ्य आमा समूहको सहभागिता थियो ।
देउडा गीत प्रतियोगिताले ग्रामीण भेगमा स्वास्थ्य चेतना फैलाउन महत्त्वपूर्ण भूमिका निर्वाह गरेको किर्डाक मुगुका प्रमुख कर्णजङ्ग शाहीले बताए ।
कार्यक्रममा सहभागी भएका ६ समूहहरूले सुत्केरी सेवा, पोषण, नियमित खोप, स्तनपान, सरसफाइ तथा शिशु रोगहरूबाट बच्ने उपाय जस्ता विषयवस्तुमा आधारित सन्देशमूलक देउडा गीतमार्फत प्रस्तुत गरेका थिए ।
प्रतियोगितामा सहभागी समूहहरूले सफा सुत्केरी सेवा, नियमित स्वास्थ्य परीक्षण, सुत्केरी बेला पोषण, खोप, स्तनपान, बाल संरक्षण लगायत विषयमा आधारित देउडा गीतहरू प्रस्तुत गरेका थिए । सहभागीलाई पुरस्कारसँगै सम्मान समेत गरियो ।
प्रतियोगितामा सहभागी समूहहरूले सफा सुत्केरी सेवा, नियमित स्वास्थ्य परीक्षण, सुत्केरी बेला पोषण, खोप, स्तनपान, बाल संरक्षण लगायत विषयमा आधारित देउडा गीतहरू प्रस्तुत गरेका थिए । कार्यक्रममा स्वास्थ्यकर्मी, स्थानीय, शिक्षक,युवा क्लब, महिला समूह लगायतको उत्साहजनक उपस्थिति थियो।
