सिन्धुपाल्चोक - राष्ट्रिय स्वतन्त्र पार्टी (रास्वापा) ले इन्द्रावती गाउँपालिका–४ मा वडा स्तरीय भेला सम्पन्न गरी कार्यसमिति विस्तार गरेको छ। शनिबार नवलपुरमा आयोजित भेलाले वडा ४ को सभापतिमा भोजबहादुर तामाङलाई सर्वसम्मत चयन गरेको हो।

सचिवमा सञ्चबहादुर तामाङ चयन भएका छन् भने सदस्यमा मानबहादुर तामाङ, पशुपति नकर्मी, सोमबहादुर तामाङ, फूलमाया तामाङ, पाल्देन लामा र पारस तामाङ चयन गरिएको छ। उपसभापति भने पछि मनोनित गर्ने निर्णय गरिएको छ।

वडा भेलामा रास्वापाका जिल्ला सभापति माया गुरुङ, सचिव चक्रपाणी सिग्देल, कोषाध्यक्ष दिल्लिराम श्रेष्ठलगायतको उपस्थिति रहेको थियो।