काठमाडौं - भूमि व्यवस्था तथा सहकारी गरिबी निवारणमन्त्री बलराम अधिकारीले अहिलेको अवस्था नै आशंका नै आशंकामा रहेकाले छानबिन गरेर मात्र बोल्नुपर्ने बताएका छन् । 

सोमबार प्रतिनिधिसभाको बैठक बाहिर पत्रकारहरूसँग बोल्दै उनले कसको पालामा के भयो भनेर मज्जाले अध्ययन गर्नुपर्ने तर अरूलाई मात्र दोष लगाउन नहुने बताए ।

मन्त्रीहरु घुस काण्डमा मुछिएको घटना बाहिर आएपछि संचारकर्मीहरुले सोधेको प्रश्नमा उनले हल्लाका भरमा नबोल्ने बताए । उनले विधिमा रहेर जनताको सेवा गर्ने बताए ।

आशंका र हल्लाका भरमा बाहिर बोल्न नमिल्ने बताएका मन्त्री अधिकारीले सत्यतथ्य केही दिनमा बाहिर आउने जिकिर गरे । 

संसद बाहिर सांसदहरू गणेश पराजुली, हरि ढकाल, लेखनाथ दाहाल, मनिष झा, महेश वर्तौलालगायतले संचारकर्मीहरुसँग आफ्ना धारणा राखेका थिए ।