काठमाडौं - पूर्वनिर्वाचन आयुक्त इला शर्माको निधन भएको छ । उनको शनिबार साँझ हृदयाघातका कारण नर्भिक अस्पतालमा निधन भएको हो ।

उनी २०६९ साल चैत ११ गतदेखि २०७५ साल चैत १० गतेसम्म निर्वाचन आयोगको आयुक्त पदको जिम्मेवारीमा रहेकी थिइन् ।

उनले लामो समयसम्म द राइजिङ नेपालमा पनि काम गरेकी थिइन् ।  पछिल्लो समय उनी सिटिजन्स बैंक इन्टरनेसनलको डाइरेक्टर समेत रहेकी थिइन् । 

उनले व्यापार, अर्थशास्त्र र वातावरण क्षेत्रमा समेत एक दशकभन्दा बढी योगदान दिएकी थिइन्।  उनको दाहसंस्कार भोलि गरिने जनाइएको छ । उनका दुई छोरी रहेका छन्।