बजारबाट ९० अर्ब झिक्दै राष्ट्र बैंक
काठमाडौं - बजारमा तरलता बढी भएपछि नेपाल राष्ट्र बैंकले आज बजारबाट ९० अर्ब रुपैयाँ झिक्न लागेको छ ।
अधिक तरलता व्यवस्थापन गर्न राष्ट्र बैंकले निक्षेप संकलन उपकरणमार्फत ३५ दिनका लागि उक्त रकम झिक्न लागेको हो ।
आज दिउँसो ३ बजेसम्म अनलाइन बोलकबोल गर्न राष्ट्र बैंकले बैंक तथा वित्तीय संस्थाहरूलाई सूचना मार्फत आवहान गरेको छ । कममा १० करोड र बढीमा पाँच करोड रुपैयाँले भाग गर्दा निःशेष भाग जाने गरी बोलकबोल गर्न सकिने राष्ट्र बैंकले जनाएको छ ।
निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउनेछन् ।
प्रकाशित मिति: बुधबार, असार ४, २०८२ १२:१९
प्रतिक्रिया दिनुहोस्
थप बैक/वित्त
साताको लोकप्रिय
-1751034591.jpg)
