काठमाडौं -  पोखरामा पौडी खेल्दा हराएका दुई जना बालकको शव भेटिएको छ । हेम्जास्थित मार्दी खोला ड्याममा पौडी खेल्दा बेपत्ता भएका माछापुच्छ्रे गाउँपालिका घर भएका १४ वर्षीय विशाल परियार र १३ वर्षीय विवश परियारको शव फेला परेको सशस्त्र प्रहरीका सहप्रवक्ता (डीएसपी) शैलेन्द्र थापाले जानकारी दिए । 

बिहीबार दिउँसो बेपत्ता भएका उनीहरूको शव सशस्त्र प्रहरी बलको गोताखोरले निकालेको थियो ।

नम्बर–२४ कालिका गणबाट खटिएको सशस्त्र प्रहरी निरीक्षक दीपेन्द्र कटवाल नेतृत्वको टोलीले २० फिट गहिराइबाट शव निकालेको हो ।