झापा - आन्तरिक राजस्व कार्यालय भद्रपुरले चालु आर्थिक वर्षको आठ महिनामा एक अर्ब ९८ करोड ९४ लाख ६८ हजार रूपैयाँ राजस्व संकलन गरेको छ। 

उक्त रकम गत आव २०८०/८१ को सोही अवधिको तुलनामा आठ प्रतिशतले बढी हो। कार्यालयको तथ्यांकअनुसार गत आव २०८०/८१ को सोही अवधिमा एक अर्ब ८४ करोड १७ लाख १५ हजार रूपैयाँ राजस्व संकलन भएको जानकारी प्रमुख कर अधिकृत कृष्णचन्द्र काफ्लेले दिए ।

आन्तरिक राजस्व कार्यालयले चालु आवमा चार अर्ब ६१ लाख रूपैयाँ राजस्व संकलन गर्ने लक्ष्य लिएको छ ।