एजेन्सी - श्रीलङ्काको पश्चिमी तटीय सहर नेगोम्बोस्थित कारागारमा दुई समूहका कैदीबीच भएको भीषण झडपमा मृत्यु हुनेको संख्या २५ पुगेको छ भने १०० भन्दा बढी घाइते भएका छन्।

प्रहरीका अनुसार हिंसा आइतबार दिउँसो सुरु भएको थियो भने सोमबार फेरि चर्किएको हो। झडपमा कैदीसँगै कारागारका सुरक्षाकर्मी पनि मारिएका छन्। घाइतेहरूलाई नेगोम्बो र कोलम्बोका अस्पतालमा उपचारका लागि भर्ना गरिएको छ।

घटनाको कारण अझै खुलेको छैन। सुरक्षाकर्मीले कारागारको अवस्था नियन्त्रणमा ल्याउने प्रयास जारी राखेका छन् भने आवश्यक परे सेनालाई पनि तयारी अवस्थामा राखिएको छ। घटनाबारे विस्तृत अनुसन्धान सुरु गरिएको अधिकारीहरूले बताएका छन्।