एजेन्सी - म्याथियस कुञ्हाको उत्कृष्ट प्रदर्शनमा ब्राजिलले २०२६ फिफा विश्वकप फुटबल अन्तर्गत समूह ‘सी’ को खेलमा हैटीलाई ३–० गोलअन्तरले पराजित गरेको छ।

फिलाडेल्फियास्थित फिलाडेल्फिया स्टेडियममा आज बिहान भएको खेलमा ब्राजिलले सुरुदेखि नै आक्रामक खेल प्रदर्शन गर्दै हैटीमाथि दबाब बनाएको थियो। खेलको क्रममा अग्रता लिएको ब्राजिलका लागि फरवार्ड म्याथियस कुञ्हाले दोस्रो गोल गर्दै टोलीको जितलाई थप सहज बनाएका थिए।

कुञ्हाको गोलपछि ब्राजिलका खेलाडीहरूले उत्साहपूर्वक गोलको खुसी मनाएका थिए। ब्राजिलले खेलभर बलमा पकड कायम राख्दै थप एक गोल समेत गर्दै हैटीविरुद्ध ३–० को स्पष्ट जित दर्ता गर्यो।

यस जितसँगै ब्राजिलले समूह ‘सी’ मा आफ्नो स्थिति मजबुत बनाएको छ भने लगातार दोस्रो हार बेहोरेको हैटीको नकआउट चरणमा पुग्ने सम्भावना कमजोर बनेको छ।