बाख्रा चराउन गएका नरबहादुरको मृत्यु

हर समय आइतबार, फागुन ३, २०८२

बाख्रा चराउन गएका नरबहादुरको मृत्यु — प्रतिकात्मक तस्विर: हर समय/Har Samaya

सुर्खेत - जाजरकोटको चुनिचाँदे गाउँपालिका–१० लमाराका नरबहादुर रोकायको ढुङ्गाले लागेर मृत्यु भएको छ ।

बाख्रा चराउन जङ्गल गएका रोकायको भिरमाथिबाट खसेको ढुङ्गा टाउकामा लाग्दा घाइते भएकामा उपचारका क्रममा आज नेपालगन्ज मेडिकल कलेजमा मृत्यु भएको जिल्ला प्रहरी कार्यालय जाजरकोटका प्रहरी नायब उपरीक्षक वसन्तकुमार शर्माले जानकारी दिए ।

स्थानीयवासी बेगवान बस्नेतले घाइते रोकायलाई तत्काल अस्पताल पुर्याइए पनि ज्यान बचाउन नसकिएको बताए ।

प्रकाशित मिति: आइतबार, फागुन ३, २०८२ ०९:५६