काठमाडौं - राष्ट्रिय सभा अन्तर्गत रहेको विषयगत समितिको बैठक आज बस्दै छ ।

सभा अन्तर्गतको विकास, आर्थिक मामिला तथा सुशासन समितिको बैठक आज बस्न लागेको हो । समिति सचिवालयले दिएको जानकारी अनुसार बैठक बिहान साढे ११ बजे सिंहदरवारस्थित समितिको हलमा बस्ने छ । आजको बैठकमा कृषि तथा पशुपंछी विकास मन्त्री मदन प्रसाद परियारसँग छलफल हुने कार्यसूची रहेको छ ।

मन्त्री परियारसँग संयुक्त राष्ट्रसंघीय जलवायु परिवर्तन सम्मेलन (कोप) मा भएका विगतका निर्णय/सम्झौताको कार्यान्वयनको अवस्था/प्रगति एवं ‘संयुक्त राष्ट्रसंघीय जलवायु परिवर्तन सम्मेलन (कोप ३०)’ को समिक्षा गर्ने कार्यसूचीमा तय गरिएको सचिवालयले जानकारी दिएको छ ।