काठमाडौं - काठमाडौं उपत्यका, ट्राफिक प्रहरी कार्यालयले नेकपा एमालेको कार्यक्रमका  कारण  काठमाडौँको प्रदर्शनी मार्ग  हुँदै  चल्ने  सवारी  साधनलाई यति बेला डाइभर्सन  गरिएको  जानकारी गराएको छ । उक्त  स्थान  हुँदै  चल्ने  सवारी  साधनलाई  पद्यमोदय मोड र  सभागृहतिरबाट  डाइभर्सन  गरिएको  हो   ।

प्रदर्शनका कारण  टुँडिखेल  वरिपरि, भोटाहिटी, रणोदिप वा महेन्द्र शालिक  र  पुतलीसडक भएर चल्ने  सवारी  साधनको आवागमनमा पनि  प्रभाव परेको हुनाले सहज यात्राका लागि  उक्त सडकको  विकल्पमा अन्य  सडकको प्रयोग गर्न ट्राफिक प्रहरीले अनुरोध  गरेको छ । 

मानिसहरू  भेला वा जम्मा भएकाले काठमाडौँको  माइतीघर चोकबाट  सर्भिस  लेन  हुँदै  थापाथलीतर्फ जाने सवारी साधनलाई मुख्य लेनबाट पठाइएको छ ।

त्यसै गरी, सामाखुसी चोकमा मानिसहरू भेला जम्मा भएकाले र  चाबहिल चोकबाट जोरपाटी सम्मको लागि रथयात्रा भइरहेकाले सवारी आवागमनमा केही प्रभाव परेको छ । यसबाहेक काठमाडौँ उपत्यकाको अन्य स्थानको सवारी आवागमन यति बेला सामान्य रहेको छ ।

विभिन्न नाकाहरू हुँदै काठमाडौँ उपत्यका भित्रिने र बाहिरिने सवारी साधन पनि सामान्य रूपमा चलिरहेका छन् ।