काठमाडौं - नेपाली कांग्रेसका वरिष्ठ नेता डा. शेखर कोइरालाले जेनजि पुस्ता सामाजिक सञ्जाल बन्दको विरोधमा सडकमा आउनु सरकारमा बसेका र उनीहरूबीचको सोचाइको अन्तर भएको बताएका छन् । 

आइतबार सामाजिक सञ्जालमा लेख्दै कोइरालाले जेनजि पुस्ताको आवाज सुन्ने हिम्मत गर्न सरकारसँग आग्रह गरेका छन् ।

‘राजनीतिक दाउपेचको खासै मतलब नगर्ने, देश मै बसेर केही गर्छु भन्ने ‘जेनजि’ पुस्ताका होनाहार युवाहरु सरकारको सामाजिक सञ्जाल बन्दको विरोधमा सडकमा उत्रनु सरकारमा बसेका र उनीहरुको बिचको सोचाईको अन्तर हो’, उनले लेखेका छन् ।

 उनले जेनजी पुस्ताको आवाज नसुने पछि पछुताउनुको विकल्प पनि बाँकी नरहने चेतावनी दिएका छन् । 

सोमबार जेनजि पुस्ताले भ्रष्टाचारविरुद्ध देशभर आन्दोलनको घोषणा गरेको छ ।