काठमाडौं - नेकपा (एमाले) बागमती प्रदेश कमिटी सदस्य ईश्वरीप्रसाद श्रेष्ठसहित करिब दुई दर्जन कार्यकर्ता नेकपा (माओवादी केन्द्र) मा प्रवेश गरेका छन्।

बिहीबार काठमाडौंको पेरिसडाँडास्थित माओवादी केन्द्रीय कार्यालयमा एक कार्यक्रमका बीच उनीहरू माओवादी प्रवेश गरेका हुन्। कार्यक्रममा माओवादी अध्यक्ष पुष्पकमल दाहाल ‘प्रचण्ड’को प्रमुख आतिथ्य रहने भनिएपनि उहाँ विराटनगरमा रहेकाले उपाध्यक्ष अग्निप्रसाद सापकोटाले स्वागत गरेका थिए।

माओवादी प्रवेश गर्ने नेतामध्ये बागमती प्रदेश कमिटी सदस्य विष्णु लामा, जिल्ला कमिटी सदस्य सिताराम गिरी, मेखबहादुर न्यौपाने, रमेश श्रेष्ठलगायतका नेता कार्यकर्ता रहेका छन्।

लामा र गिरी विगतमा माओवादी केन्द्रमै क्रियाशील रहेपनि एमाले–माओवादी पार्टी एकता विघटन भएपछि एमालेतर्फ गएका थिए।

सिन्धुपाल्चोकका पुराना नेता श्रेष्ठसहितका कार्यकर्ताको माओवादी प्रवेशसँगै बागमती प्रदेशमा पार्टीको संगठनात्मक बल अझै विस्तार हुने माओवादी नेताहरूको विश्वास रहेको छ।