नुवाकोट - अब नुवाकोटबाट नाक, कान, घाँटी (इएनटी) सम्बन्धी समस्या लिएर राजधानी धाउनुपर्ने बाध्यता हटेको छ।

 बागमती प्रदेश सरकारको स्वास्थ्य मन्त्रालय र पाटन स्वास्थ्य विज्ञान प्रतिष्ठानको सहकार्यमा, त्रिशूली अस्पतालमा आवासीय इएनटी चिकित्सकले मंगलबार देखि ओपिडि सेवा सुरु गरेसँगै काठमाडौं जाने बाध्यता हटेको हो । 

पाटन स्वास्थ्य विज्ञान प्रतिष्ठानबाट आएका विशेषज्ञ चिकित्सकद्वारा सेवा सुरु भएसँगै स्थानीयवासीले सहज, गुणस्तरीय र छिटो उपचार पाउने अपेक्षा गरिएको त्रिशुली अस्पताल सञ्चालक समितिका अध्यक्ष उपेन्द्र बुढाथोकीले बताए । महिनामा एक दुई पटक यस्ता सेवाहरू पहिला पनि ल्याउने गरेको उनले जानकारी दिए ।   

नुवाकोट, रसुवा र धादिङ जिल्लाका बिरामीकालागि यस्ता सेवाले स्वास्थ्य सेवा लिन सहज हुने बताइएको छ ।  

अस्पताल प्रशासनले दैनिक ओपिडि समयअनुसार सेवा लिन सबै सर्वसाधारणलाई अनुरोध गर्दै नयाँ सेवा विस्तारलाई अझ प्रभावकारी बनाउन आवश्यक सहयोग गर्न पनि माग गरेको छ।

यो पनि पढ्नुहोस

त्रिशुली अस्पताल आइसकेपछि खर्च नभएर उपचार नगरी फर्कन पर्दैन - अध्यक्ष बुढाथोकी (भिडियोसहित)