कास्की -  केही दिनदेखि सिन्धुलीबाट हराएका भनिएका हायू परिवारका सबै सदस्य फेला गरेका छन् । उनीहरूलाई पोखराको माथिल्लो गौँडगौडा क्षेत्रबाट प्रहरीले नियन्त्रणमा लिएको हो । 

कास्कीका प्रहरी प्रमुख एसपी श्यामबाबु ओलियाका अनुसार पक्राउ परेका सबै १५ जनाले आफूहरू मजदुरी गर्न पोखरा आएको बताएका छन् । 

उनीहरू गौँडगौडाका स्थानीय सोमनाथ पौडेल र चन्द्र भण्डारीको घरमा बसिरहेको अवस्थामा फेला परेका ओलियाले जानकारी दिए ।

उनीहरूले सिन्धुलीबाट गाडी रिजर्भ गरेर पोखरा आएको खुलेको छ । पोखरा आएपछि एक दिन होटलमा बसेका उनीहरू आइतबार मात्र होटलबाट चेकआउट गरी स्थानीयको घरमा बस्न गएका थिए ।

सिन्धुलीको गोलन्जोर गाउँपालिका वडा नम्बर ६ छेत्पाबाट हायू परिवार गत शुक्रबारदेखि बेपत्ता भएको थियो ।  गाउँपालिकाले १६ जना बेपत्ता भएको जानकारी दिँदै खोजी तीव्र पारिएको थियो । 

यो पनि पढ्नुहोस

हराएका हायु परिवारका सदस्यको नाम खुल्यो, खोजी जारी

यो पनि पढ्नुहोस

सिन्धुलीको गोलञ्जोर–६ बाट एकै परिवारका १६ जना बेपत्ता