काठमाडौं - त्रिभुवन विश्वविद्यालय (त्रिवि) परीक्षा नियन्त्रण कार्यालय, बल्खुले ४ वर्षे स्नातक तह तेस्रो वर्षको परीक्षाको तालिका सार्वजनिक गरेको छ । 

शुक्रबार सूचना जारी गर्दै त्रिविले २०८१ सालको ४ वर्षे स्नातक तह तेस्रो वर्षको मानविकी, शिक्षाशास्त्र, व्यवस्थापन संकाय र विज्ञान तथा प्रविधि अध्ययन संस्थान तर्फका नियमित तथा आंशिक परीक्षा दिने परीक्षार्थीहरूको परीक्षा तालिका सार्वजनिक गरेको हो । 

त्रिविले परीक्षा फाराम भर्न छुटेका विद्यार्थीहरूको दोब्बर दस्तुर तिरी फाराम भराई सबै प्रक्रिया पुर्याई जेठ १५ सम्म परीक्षा नियन्त्रण कार्यालय बल्खुमा बुझाउन पनि क्याम्पसहरूलाई अनुरोध गरेको छ । 

परीक्षा बिहान ७ बजेदेखि १० बजेसम्म सञ्चालन हुनेछ ।