भारत - भारतले जम्मु, पठनकोट र उधमपुरस्थित सैनिक क्याम्पहरूमा बिहीबार राति पाकिस्तानले ड्रोन र मिसाइल आक्रमण गरेको दाबी गरेको छ । भारतको रक्षा मन्त्रालयले आक्रमण भए पनि ती सबै आक्रमणहरूलाई निष्क्रिय पारिएको जनाएको छ । भारतका अनुसार, कुनै पनि प्रकारको मानवीय वा भौतिक क्षति भएको छैन ।

भारतको रक्षा मन्त्रालयले वक्तव्य जारी गर्दै भनेको छ, ‘पाकिस्तानबाट आएको ड्रोन तथा मिसाइल आक्रमणलाई भारतको हवाई सुरक्षा प्रणालीले सफलतापूर्वक रोक्न सफल भएको छ । भारत आफ्नो सार्वभौमिकता र नागरिकहरूको सुरक्षामा पूर्ण रूपमा प्रतिबद्ध छ ।’

यसैबिच पाकिस्तानका रक्षा मन्त्री ख्वाजा आसिफले भने आक्रमणको दाबी अस्वीकार गरेका छन् ।