स्याङ्जा - स्याङ्जाको गल्याङ नगरपालिका–६ पिडीखोलामा गोठ भत्किँदा ६५ वर्षीय धनबहादुर रेश्मीको मृत्यु भएको छ।

भैँसी तथा बङ्गुरलाई कुडोपानी दिने क्रममा बिहीबार बिहान अचानक गोठ भत्किँदा रेश्मी पुरिएको र घटनास्थलमै मृत्यु भएको वडाध्यक्ष दीपछिरिङ गुरुङले जानकारी दिएका छन्।

घटनामा गोठभित्र रहेका केही चौपाया पनि पुरिएर मरेका छन्। लगातारको वर्षाका कारण पुरानो गोठ भत्किएको हुन सक्ने प्रारम्भिक अनुमान गरिएको छ।