प्युठान - प्युठानमा राष्ट्रिय स्वतन्त्र पार्टी (रास्वपा) का सुशान्त वैदिक निर्वाचित भएका छन् । उनले २७ हजार ४६९ मत प्राप्त गर्दै जित हात पारेका हुन् । उनका निकटतम प्रतिस्पर्धी नेपाली काँग्रेसका प्राध्यापक डा. गोविन्दराज पोखरेलले १८ हजार ३३८ मत पाएका छन्।

नेकपा एमालेका सूर्य थापाले १६ हजार ७१० मतसहित तेस्रो स्थान प्राप्त गरेका छन् भने नेपाली कम्युनिस्ट पार्टीका कृष्ण ध्वज खड्काले ९ हजार ७४ मत प्राप्त गर्दै चौथो स्थान प्राप्त गरेका छन् । यसअघि यहाँ एमालेका थापा निर्वाचित भएका थिए।