अछाम - प्रतिनिधिसभा सदस्य निर्वाचनमा अछाम क्षेत्र नं. १ बाट नेपाली कांग्रेसका उम्मेदवार भरत कुमार स्वार विजयी भएका छन् । उनले नेकपा एमालेका नेता भीम बहादुर रावललाई पराजित गरेका हुन्।

निर्वाचन परिणामअनुसार स्वारले १० हजार ७५८ मत प्राप्त गरेका छन् भने रावलले १० हजार २३० मत प्राप्त गरेका छन्। स्वारले रावललाई ५२८ मतको अन्तरले पराजित गरेका हुन्।

यसैगरी नेकपा एमालेका उम्मेदवार दिपक साउथ तेस्रो स्थानमा रहेका छन् । उनले ७ हजार ३८६ मत प्राप्त गरेका छन्। राष्ट्रिय स्वतन्त्र पार्टीका ओम प्रकाश रावलले १ हजार ७३७ मत प्राप्त गरेका छन्।

यसअघि २०७२ सालको निर्वाचनमा स्वार भीम बहादुर रावलसँग पराजित भएका थिए। त्यस्तै दिपक साउथ पनि २०७० सालको संविधानसभा निर्वाचनमा रावलसँगै पराजित भएका थिए।

रावल भने २०४८ सालको आम निर्वाचनमा नेपाली कांग्रेसका नेता बल बहादुर कुँवरसँग र २०५६ सालको निर्वाचनमा कांग्रेसका उम्मेदवार गोविन्द बहादुर स्वारसँग पराजित भएका थिए।