एजेन्सी - उत्तरी सुडानको नाइल नदीमा डुङ्गा डुब्दा कम्तीमा २१ जनाको मृत्यु भएको छ। स्थानीय सरकार र प्रत्यक्षदर्शीहरूलाई उद्धृत गर्दै एएफपीले यो जानकारी दिएको छ।

स्थानीय अधिकारीहरूले भनेका छन् कि दुर्घटना तैबा अल–खवाद र दिम अल–कराई गाउँहरू बिचको नदी पार गर्ने क्रममा भएको हो। दुर्घटनाको कारण अहिलेसम्म स्पष्ट भएको छैन।

प्रत्यक्षदर्शीहरूका अनुसार डुङ्गामा करिब ३० जना सवार थिए। मृतकको शव बरामद भइसकेको छ भने केही यात्रु अझै बेपत्ता छन् । सुडानीज डक्टरस नेटवर्कले डुङ्गामा सवार ६ जना यात्रु जीवित रहेको जनाएको छ।

सडक र यातायात पूर्वाधारको अभाव, नदीमा सुरक्षा आवश्यकताहरूको कमी, र उद्धार टोलीहरूको अनुपस्थितिले यस दुर्घटनाको जोखिम बढाएको स्थानीय स्वास्थ्य संगठनले बताएका छन्।

सुडानमा अधिकांश मानिसहरू एकल–इन्जिन डुङ्गा प्रयोग गरी एकल अपरेटरको नेतृत्वमा नदी पार गर्छन् । तीन वर्षदेखि जारी युद्धका कारण देशको पूर्वाधार ध्वस्त भएको छ।

युद्धले सेना र अर्धसैनिक बलहरू बीच विभाजन ल्याएको छ भने सार्वजनिक सेवा, स्वास्थ्य र शिक्षा क्षेत्रहरूमा गम्भीर गिरावट आएको छ।