एजेन्सी - रुसले आफ्नो एयरलाइन्समाथि लगाइएको प्रतिबन्ध फुकुवा गर्ने शर्तमा अमेरिकासँग प्रत्यक्ष हवाई सेवा पुनः सुरु गर्न तयार भएको रूसी संघीय हवाई यातायात निकायले सोमबार जनाएको छ।

निकायका प्रमुख दिमित्री याद्रोभले भने, ‘प्रत्यक्ष उडानहरू रूसी वाहकमा लगाइएका सीमितताहरू हटाएपछि मात्र सञ्चालनमा आउनेछन्, र रूसी विमानहरू अमेरिका जाने क्रममा हिरासतको जोखिमबाट मुक्त हुनेछन्।’

सन् २०२२ मा रूस–युक्रेन द्वन्द्व सुरु भएपछि अमेरिका र रूसले एकअर्कामाथि हवाई प्रतिबन्ध लगाएका थिए।