अमेरिका : अमेरिकाको एरिजोनामा शुक्रबार एक निजी हेलिकप्टर दुर्घटना हुँदा चार जनाको मृत्यु भएको छ । अमेरिकाको  एरिजोनाको राजधानी फिनिक्स नजिकैको सुपीरियर सहर नजिकै हेलिकप्टर दुर्घटना भएको बताइएको छ ।

दुर्घटना शुक्रबार बिहान ११ बजे तिर भएको थियो भने  उद्धारकर्मीहरूले हेलिकप्टरको भग्नावशेषमा पुगेर दुर्घटनामा सवार सबै चार जनाको मृत्यु भएको पुष्टि गरेका थिए। मृत्यु हुनेहरूमा हेलिकप्टर चालक र एउटै परिवारका तीन महिला सदस्यहरू रहेको जनाइएको छ । अमेरिकी एभिएशन एडमिनिस्ट्रेशन र राष्ट्रिय यातायात सुरक्षा बोर्ड द्वारा अनुसन्धान जारी रहेको छ ।