श्रीलंकामा ८५ प्रतिशत विद्युत आपूर्ति अवरुद्ध

हर समय शुक्रबार, मंसिर १९, २०८२

श्रीलंकामा ८५ प्रतिशत विद्युत आपूर्ति अवरुद्ध — सांकेतिक तस्वीर: हर समय/Har Samaya

एजेन्सी - हालै आएको विनाशकारी मौसमी प्रकोपका कारण श्रीलंका भरि करिब ८५ प्रतिशत विद्युत आपूर्ति बन्द भएको श्रीलंका सिलोन विद्युत बोर्ड (सिइबी) ले जनाएको छ ।

सिइबीका उप–महाप्रबन्धक नोएल प्रियन्थाका अनुसार प्राकृतिक विपत्तिबाट सिर्जित क्षतिका कारण देशका झन्डै ७० लाख विद्युत उपभोक्तामध्ये ३९ लाखभन्दा बढीको सेवामा अवरोध आएको हो । उनले अधिकांश विद्युत जडान पुनःस्थापित भइसकेको र बाँकी जडानलाई छिट्टै सञ्चालनमा ल्याउने काम भइरहेको जानकारी दिए ।

सिइबीका अनुसार आपतकालीन अवस्थाका क्रममा १६ हजार ७७१ ट्रान्सफर्मर सेवा बाहिरिएका थिए । त्यसमध्ये १४ हजार ५४९ ट्रान्सफर्मर मर्मत तथा पुनस्र्थापना भइसकेको र बाँकी उपकरणलाई यथाशीघ्र सञ्चालनमा ल्याइने तयारी भइरहेको सिइबीले जनाएको छ ।

प्रकाशित मिति: शुक्रबार, मंसिर १९, २०८२ १९:५२