सिन्धुपाल्चोक - इन्द्रावती गाउँपालिका स्तरीय शिक्षक तथा कर्मचारी भलिबल प्रतियोगिताको उपाधि लागि श्री नवलपुर माध्यमिक विद्यालय, इन्द्रावती–४ र श्री राजेश्वरी माध्यमिक विद्यालय, इन्द्रावती–७ बीच भोलि फाइनल प्रतिस्पर्धा हुने भएको छ। प्रतियोगिताको आयोजना सिम्पालेश्वरी माध्यमिक विद्यालय, इन्द्रावती–१ ले गरेको हो।

सेमिफाइनल चरणमा राजेश्वरी मावि, इन्द्रावती–७ ले कमलादेवी माध्यमिक विद्यालय, इन्द्रावती–६ लाई पराजित गर्दै फाइनलमा स्थान बनाएको थियो। त्यस्तै, अर्को सेमिफाइनलमा नवलपुर मावि, इन्द्रावती–४ ले आयोजक सिम्पालेश्वरी माध्यमिक विद्यालयलाई पराजित गर्दै उपाधि भिडन्तमा प्रवेश गरेको हो।

विजेता टोलीले नगद १० हजार, शिल्ड, मेडल तथा प्रमाणपत्र प्राप्त गर्ने आयोजकले जनाएको छ। त्यस्तै दोस्रो हुनेले नगद ७ हजार र तेस्रो हुनेले ५ हजार नगदसहित शिल्ड,मेडल ,प्रमाणपत्र प्राप्त गर्ने छ।

 प्रतियोगितामा १० टिमले सहभागिता जनाएका थिए। प्रतियोगिता मङ्सिर १२ गते सुरु भएको थियो ।