एजेन्सी - पूर्वी अफगानिस्तानमा गएको ६.० म्याग्निच्युडको भूकम्पमा हालसम्म ८०० भन्दा बढीको मृत्यु भएको छ । २ हजार भन्दा बढी घाइते भएकाछन् । भूकम्पको केन्द्रबिन्दु अफगानिस्तानको पाँचौं ठूलो शहर जलालाबादबाट २७ किलोमिटर टाढा सतहभन्दा लगभग १० किलोमिटर तल रहेको थियो।

मध्यरातमा गएको यस भूकम्पका कारण माटो र ढुङ्गाले बनेका घरहरू भत्किए। भूकम्पको धक्का पाकिस्तानको राजधानी इस्लामाबादसम्म महसुस गरिएको थियो, जुन लगभग ४०० किलोमिटर टाढा छ।

भूकम्पले दुर्गम पहाडी क्षेत्रहरूलाई असर गर्यो जहाँ मोबाइल सिग्नल कभरेज सीमित छ र पहिरोका कारण सडकहरू बन्द छन्। घाइतेहरूलाई भग्नावशेषबाट उद्धार गरी हेलिकप्टरबाट सुरक्षित स्थानहरूमा लगिँदै छ र बाँचेकाहरूको खोजी जारी छ।