मकवानपुर - साउन महिनाको दोस्रो सोमबार आज  हेटौँडा–४ स्थित पशुपतिनाथ मन्दिरमा बिहानैदेखि भक्तजनको ठूलो भिड लागेको छ । विशेष गरी साउनको सोमबारलाई भगवान् शिवको पूजा–आराधनाको विशेष दिन मानिन्छ, जसकारण आज देशभरका शिवालयहरूमा भक्तजनहरूको उल्लेख्य सहभागिता देखिएको छ ।

मन्दिर व्यवस्थापकका अनुसार आज बिहानैदेखि मन्दिरको मूल ढोका खोलिएको थियो, जसले भक्तजनलाई सहज रूपमा दर्शन गर्न सुविधा पुगेको छ। 

धार्मिक विश्वासअनुसार, साउनको सोमबार व्रत गरेमा मनोकाङ्क्षा पूर्ण हुने र अटल सौभाग्य प्राप्त हुने मान्यता रहेको छ। यसै विश्वासका आधारमा आज बिहानदेखि नै व्रतालु महिला, पुरुष र युवाहरूको उल्लेख्य उपस्थिति मन्दिर परिसरमा देखिएको थियो। भक्तजनको सुरक्षाका लागि मन्दिर परिसरमा प्रहरी र स्वयंसेवकहरूको समेत खटिएको थियो।

शान्त वातावरणमा भक्तिभावका साथ  आजको  दोस्रो सोमबारले हेटौँडा पशुपतिनाथ मन्दिरमा पुनः एक पटक आस्था र सांस्कृतिक एकताको झल्को दिएको देखिन्छ ।