काठमाडौं - टोक्मा टेक्नोलोजीले नयाँ एप लन्ज गरेको छ । सोमबार काठमाडौंका विषेश कार्यक्रमको आयोजना गरी टोक्मा एप लन्च गरिएको हो ।
लन्च कार्यक्रममा बोल्दै टोक्मा एपले डिजिटल अर्थतन्त्रमा महत्वपूर्ण भूमिका खेल्ने नेपाल विद्युत प्राधिकरणका निवर्तमान निर्देशक कुलमान घिसिङले बताए । उनले यस्ता टेक्नोलोजीले हाम्रा कामहरूमा सहजता ल्याउने बताए ।
‘बेरोजगारी युवा, स्कूल पढ्दै गरेका विद्यार्थीहरूलाई यसले रोजगारीको अवसर दिन्छ । एपले नेपालको डिजिटल क्षेत्रमा सहयोग पुग्नेछ । यस्ता टेक्नोलोजीले दैनिक क्रियाकलापहरू, काममा सहज ल्याउने काम गर्नेछ,’ उनले भने ।
यस्तै अभिनेता विल्सन विक्रम राईले विदेशका एपहरु पैसा तिरेर चलाइरहेको भन्दै स्वदेशी पैसा विदेशतिर गएको भन्दै एपले देशको पैसा देशमा राखेर रोजगारको अवसर दिने बताए ।
यस्तै टोक्मा टेक्नोलोजीका निर्देशक सागर आङदेम्बेले एपमा चारवटा फिचर रहेको भन्दै यसले यात्रुहरूलाई सुरक्षित र भरपर्दो सेवा दिने बताए । यसमा ट्राभल, सवारी, गाइड, साथी सेवा र सुरक्षा गार्ड सेवा सबै एकै ठाउँमा उपलब्ध रहेको उनले जानकारी दिए ।
‘टोक्मा एप हाम्रो संस्कृति र प्रविधिको राम्रो संयोजन हो । यो एपले यात्रुहरूलाई सुरक्षित र भरपर्दो सेवा दिन्छ । यसमा ट्राभल, सवारी, गाइड, साथी सेवा र सुरक्षा गार्ड सेवा सबै एकै ठाउँमा उपलब्ध छन् ।’
