काठमाडौं - नेपाल राष्ट्र बैंकले सुन खरिदको लागि सिफारिस गर्दा शुल्क लिन नपाउने व्यवस्था कार्यान्वयनमा ल्याउन निर्देशन दिएको छ ।

राष्ट्र बैंकले मंगलबार सुन खरिदको लागि सिफारिस प्रदान गर्ने संघ/महासंघ र सिफारिस लिने व्यवसायीको नाममा सूचना जारी गर्दै यस्तो व्यवस्था कार्यान्वयनमा ल्याउन निर्देशन दिएको हो ।

सुन आयात तथा बिक्री वितरणसम्बन्धी कार्यविधिमा शुल्क लिन नपाइने व्यवस्था रहेको भन्दै त्यसलाई पालना गर्न सचेत गराएको हो । सुन व्यवसायीका विभिन्न पाँचवटा संघ र महासंघले आफ्ना सदस्य व्यवसायीलाई बैंकबाट सुन खरिद गर्न सिफारिस गर्दै आएका छन् । ती संघहरुको सिफारिसकै आधारमा बैंकहरूले व्यवसायीलाई सुन उपलब्ध गराउँछन् ।