काठमाडौं - जनता समाजवादी पार्टी (जसपा) नेपालका प्रचार विभाग प्रमुख पूर्ण बस्नेतले राजावादीहरूको आन्दोलनको औचित्य नभएको बताएका छन् । राजसंस्था पुनःस्थापनावादीहरुको काठमाण्डौं केन्द्रित आन्दोलनप्रति टिप्पणी गर्दै उनले मुलुक कुनै पनि हालतमा प्रतिगमनतर्फ फर्कने नसक्ने दाबी गरेका हुन् ।

बस्नेतले भने, ‘मुलुकमा सुशासनको जनअपेक्षासँग राजावादीहरूको आन्दोलनको कुनै सरोकार छैन । न उनीहरूको आन्दोलनले संघीय लोकतान्त्रिक गणतन्त्रलाई सुदृढ गर्न सक्छ । गणतन्त्र ढाल्ने त दिवास्वप्न मात्र हो ।’

राजतन्त्र मुलुकको न गौरवपूर्ण इतिहास हो, न आसलाग्दो भविष्य  सर्वसाधारणलाई दुख दिने राजावादीहरूको आन्दोलनको कुनै औचित्य नभएको उनको भनाइ छ ।