हेटौंडा - मकवानपुरका राजावादीहरूले हेटौंडा–४ स्थित ऐतिहासिक वीरेन्द्र बाटिका क्षेत्रमा सरसफाई कार्यक्रम सम्पन्न गरेका छन् ।

कार्यक्रममा राष्ट्रिय प्रजातन्त्र पार्टीका नेता तथा सांसद दीपक बहादुर सिंहको विशेष उपस्थिति रहेको थियो । साथै, विभिन्न राजनीतिक दलमा आवद्ध राजावादी युवाहरुको उल्लेखनीय सहभागिता रहेको थियो ।

कार्यक्रमका संयोजक विवेक सिंह ठकुरीले वीरेन्द्र बाटिकास्तो ऐतिहासिक स्थलको संरक्षण र स्वच्छताका लागि यस्तो पहल आवश्यक भएको बताए । कार्यक्रममा सहभागीहरूले वीरेन्द्र बाटिका वरिपरिका फोहोर व्यवस्थापन, झारपात सफा गर्ने तथा जनचेतनामूलक सन्देश फैलाउने कार्य गरेका थिए ।

राजसंस्थाप्रति आस्थावान युवाहरुले स्वस्फूर्त रुपमा गरेको यो अभियानले राष्ट्रियता, स्वच्छता र सामाजिक उत्तरदायित्वको सन्देश दिएको आयोजकको भनाइ छ ।